احمد يوسف الخضمي

احمد يوسف الخضمي


 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  للشاعرة رحيمه الجنابي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد يوسف الخضمي
Admin
avatar

عدد المساهمات : 274
تاريخ التسجيل : 11/06/2010

مُساهمةموضوع: للشاعرة رحيمه الجنابي    الأحد يوليو 18, 2010 12:18 pm

روح البوادي
-------------
لونه الهوى اصبح ذنب ذنبي وگعت بحبكم
و معذور ويظل الگلب لن ماكو ابد مثلكم
منكم الزينه تفرگت و الشينه ما مرت بكم
و حگ العرب لو فاخرت اهل الارض بامجادكم
ليت البسيطة تنملي ناس التجيد افعالكم
جان الظلم ولّى و غدى و حلّت محلّه اخلاگكم
الليث بالغاب ارتجف خايف يمرّه سيفكم
عيون الصگر ما شالها لنّه استحى من عيونكم

الزين و يزينه العگل و فوگه الثگل يبرى لكم
و شمس الضحى حين اشرگت غطّت بنوره جبينكم
يا شجره فيّت و ازهرت خلّوني ساعة بفيّكم
ارتاح من طول العنا و اروي الضما من نبعكم
لساني لو گوله مدح لا ما يوفّي حگكم
لا ارض توسع لا بحر لو ردت اعدّ اخصالكم
لون الحبر گدّ الثرى و الكتب كم توسع و كم
ما ظنّتي توسع حكي و شعراً نظمته بحبكم
يا سهيل و بجبد السما ما هگوتي اوصل لكم
و اتمنّى لو لحظة حظى و انعم اكّليبي بودكم
ادعيه و لرب العرش كون بهواي يصيبكم
و ان ما تحگگ هالحلم يكفيني مرّة طيفكم
----------------------------------------------
أسف تراني
أسف تراني واعتذر يوما وصفتك بالبدر
نومي جفا طرف الجفن وصبري نفذ مالي صبر
مجنون ماظلي عكل ومن نظرتك راح النظر
سبحانه هو ا صورك وفوك الحسن ذرة سحر
حتى الكمر من طلعته قدم تنازل واعتذر
------------------------------------------------------------
اكبر عشك
حبي اله ما يوصله حب بني عذره بالوصف
لن العشك عدهم ترى عن العشل شي مختلف
ايلاكي حتفه اللي عشك عد بني عذره وينتلف
لا ما وصل ولفه وكعد ومن نبعته شوي ارتشف
حبي انا اكبر بعد من بني عذره للاسف
لن كلبي عاندني ورحل وحول الكمر داير يلف
حلفته يرجعلي رفض وضيع علي بعد العرف
وما ظنتي يظل العكل وي الكلب ناصب حلف
ومني الجسم ناحل ترى وباشواكه هو منجرف
اتمنيت لو ساعه التقي واتطلع بعين الترف
جان الدمع عاف الجفن والجفن بطل يرتجف
لا تلومني بمحبته حبي اله ما هو صدف
حبي اله حكم القدر وقاسي قدرنا ما لطف
اختار الي صكر بسما والصكر حلق ما وكف
وعذري العشك عشكي ترى وياخوفي انه ينكشف
وتدري العشك عدنا ذنب من ياءه هو للالف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmady.yoo7.com
 
للشاعرة رحيمه الجنابي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احمد يوسف الخضمي :: القسم العام :: الشعر العربي-
انتقل الى: